‘Glepu tæppætikk’ pendellampe

Glepu er halling for ein smal sprekk til dels i vegg eller mur, og tæppætikk for pendel.
Og gjennom glepu i desse rustikke modellane skin lyset ut og gjev ei stemningsfull, men samstundes kraftig belysning i rommet. Til desse lampene nyttar me avkappet me har liggjande til å skjære spiler på 10x10mm som møysommeleg vert limt saman bit for bit, før overflatene vert lett brent for å få fram det rustikke i treverket. Som tæppætikk (pendlar) egnar dei seg aller best over eit bord, gjedne 3-4 stykk i forskjellige høgder og på ei usymmetrisk line, eller diskret plassert i hjørnet av eit rom.
Glepu kan du óg få som tak- eller bordlampe.

Kan leverast anten til standard 230 volt eller som hyttelampe til 12 volt og solcelleanlegg.